Protección de datos

Cando xa pensabamos que están todas as cartas encima da mesa, temos unha novidade de última hora: apareceron os dous cataláns "promotores" do xeriátrico da Pedra. Aparecen agora, catro anos despois do pufo que lle meteron á parroquia.

Estes dous desvergoñados contactaron comigo, Manuel Villar Villar, Portavoz da Plataforma para a Defensa dos Intereses da Pedra e autor deste blog, hai uns días por teléfono. O motivo da chamada foi ameazarme cunha denuncia por publicar datos seus neste mesmo blog, aducindo que vulneraba a Lei de Protección de Datos, LOPD. Despois de negarme a facelo, ofrecinme a ter unha reunión con eles, xa que aseguraban estar en Cariño. Eles negáronse a isto último.

Sobre a lei de protección de datos, infórmolles que a información aquí ofrecida é absolutamente legal e pública. Os datos de Miguel López Ten foron obtidos, entre outras fontes, da web "eInforma" e poden ser comprobados por calquera persoa que acceda a internet de xeito gratuito. Esa web limítase a recopilar a información que ofrecen os rexistros mercantiles, que por forza debe ser pública. Por outra banda, a escritura fora elevada a público. Membros da Plataforma pagaron as tasas correspondentes no notario para obter a súa copia, de xeito totalmente legal.

A lei de protección de datos non afecta á información publicada nesta web, xa que é toda absolutamente pública e legal. Ademáis de legal, aparece nos principais buscadores de internet, e ése debe ser o motivo de preocupación dos cataláns. Seguramente estaban a preparar outra "operación" das súas e atopáronse con que alguén deu con esta web e veu o percal. Se é así, esta web xa terá servido de algo.

Recordamos que toda a documentación sobre o xeriátrico, así como a relación de empresas das que Miguel López Ten é administrador está na entrada: "Escritura do xeriátrico". A outra persoa implicada, que tamén aparece na escritura do xeriátrico, é José Álvarez Pais. Os dous, súbditos cataláns.

Veremos como se vai desenrolando toda esta trama, que parece ter ramificacións cada vez máis complicadas.

18000 euros non son nada

Hai unhas semanas celebrouse a última asemblea xeral da Comunidade de Montes da Pedra. Ademáis da postura totalitaria da actual xunta rectora, desta volta houbo varias novidades, algunhas bastante inesperadas. Procedemos a desglosalas.

Os puntos da orde do día foron sometidos a votación, como era de esperar, a man alzada. Todos excepto un, que por iniciativa de varios veciños foi sometido a votación en urna. Os cuestións votadas a man alzada foron aprobadas pero na votación en urna houbo sorpresa e gañou o non. Recordamos que as votacións a man alzada son totalmente cohercitivas, xa que impiden o anonimato do voto. Habería que ver o resultado das votacións se todas fosen en urna.

Ese punto no que a parroquia votou en contra foi a devolución dun préstamo por valor de 18.000€, realizado por un coñecido veciño á parroquia. O que non se explicou é por que concedeu ese préstamo, xa que para iso están os banco. Claro que a parroquia da Pedra recibe 20000€ como mínimo anualmente de ingresos regulares, polo que non entendemos por que era necesario pedir prestado eses cartos a un particular. Deberon ir parar a unha "fundación".

O que sí entendemos é que, se esa persoa considera vulnerados os seus dereitos, debería recurrir como mínimo aos tribunais pola vía que estime máis oportuna. Desde logo contará con o noso apoio á hora de aportar a documentación amosada en parte neste blog e xa presentada ante os tribunais coas súas respectivas denuncias e relativa ás actividades da anterior e actual directivas, xa demostradas habitualmente ilícitas.

Polo demais, podemos confirmar que a directiva segue a vender a madeira a quen eles consideran máis oportuno, sen presentar ningunha oferta á asemblea. Só presentan o que eles din que foi vendido. Despois irán a pedir cartos para as festas porque non lles cadran as contas.

Avogada deluxe

Un dos puntos aprobados foi a contratación do coñecida, polas súas abultadas facturas, Fátima Ojea Barcón, para defenderense da denuncia presentada ante o fiscal. Polo tanto, xa que necesitan defenderse, están asumindo que son culpábeis e queren pasarlle a minuta á parroquia. Outro abuso máis aos que xa nos teñen acostumados.

Varias pistas para seguir o caso: a señorita Ojea é un tanto inexperta, xa que a pesares da súa idade madura hai pouco tempo que é avogada. Por outra parte, todas as contas presentadas levan a sinatura do presidente e do tesoureiro, o secretario non asinou ninguna...

Visitas do blog

Por se había algunha dúbida sobre a popularidade deste blog, aquí mostramos as visitas dos últimos catro meses, que é cando activamos o contador. Sumando as visitas desde que comezamos superamos as 1500. Unha cifra modesta, pero bastante importante para un blog de carácter local.

Consúmase o roubo

Aquí están as contas do ano 2009 e a convocatoria de reunión para a próxima asemblea da CMVMC da Pedra. Os documentos expóñense aquí para que cada quen se faiga a súa idea, pero isto xa non hai por onde collelo.

Como legalizar un roubo

En primeiro lugar, entendemos como un feito moi grave que se vaia a botar en asemblea a postura da comunidade sobre a denuncia formulada polo noso Portavoz, Manuel Villar Villar ante a Fiscalía de Ferrol. Facer iso é condicionar á xustiza, polo que procederemos a impugnar esta asemblea polas vías legais correspondentes.

O feito de termos realizado esa denuncia provoca que comecen a aparecer cousas que non son simples irregularidades, senón claros delitos e que a xunta actual xa non pode esconder máis.

Respecto ao tema do pastoreo ilegal na parroquia, aparecen 4 novos contratos de pastoreo dos que nunca se soubo nada.

• Salvador Lago 1520,40€
• María del Sol Lago 289,60€
• María del Carmen Rodríguez 217,20€
• Eva Delfina Bellón 217,20€

Non se especifican nin número de hectáreas nin desde cando levan aproveitándose da parroquia. En beneficio, esta xente percibía subvencións por pastoreo de montaña e a cambio pagaba eses favores en negro. A presentación destes novos "usufructuarios" demostra que eses aproveitamentos, que nunca foron aprovados en asemblea, foron cobrados "en negro" pola anterior xunta rectora e quen sabe se tamén por esta no exercício anterior. O volume desa estafa podería fácilmente duplicar a cantidade declarada neste exercício.

Exiximos a inmediata aclaración de canto tempo levan facendo isto estas persoas e a canto ascende o fraude perpetrado.

A directiva actual paga cos cartos da Pedra os pufos da anterior directiva

Aparecen tamén dous gastos: o pago do IVA de dúas facturas por venda de madeira do ano 2004:

• Unha da finsa de 1257,27€, que aplicando o IVA do 16% se corresponde a unha factura de 7857,93€ .
• Outra de Maderas López de 1015,18, que se corresponden con unha factura de 6344,87€.

En total, case dous millóns e medio que non se saben onde foron parar. Mellor dito, sábese que foron parar ao peto de Javier López, ex-presidente e Daniel Montero, ex-tesoureiro, porque ata día de hoxe eles non presentaron ningunha conta.

Agora Fernando Quiza, Jesús Prieto e Carlos Miranda queren que o IVA o pague a parroquia, talvez por eles xa cobraron a súa parte por facer esta limpeza de baixos.

Reunión privada

¿Canto cobrou a xunta rectora por facer a reunión non autorizada no local social da Pedra coa empresa forestal portuguesa? Non sabemos quen deu esa autorización.

Corta de madeira

Nas contas aparece o ingreso do IVA en Xuño por unha venta de madeira non autorizada pola asemblea. Non se sabe nin o precio nin quen controlou a saída da madeira. Ademáis non figura ningún ingreso polo total da madeira cortada.

Ese IVA fai unha factura de 21210€, só ata xuño. Como é público continuouse a cortar madeira durante todo o ano 2009. Onde van eses cartos?

Cando se realizou a última asamblea, quedaba menos dunha semana para a finalización do prazo de presentación de ofertas, o que demostra que Fernando Quiza. Nesa asemblea ademáis nunca se acordou que se fose a vender madeira, polo que esa venda é ilegal.

Nas contas da madeira cortada aparece o nome do Xefe do Servizo de Montes e Industrias Forestais da Xunta, pero esa sinatura non asegura nada. Queremos unha explicación deste cargo público nunha asemblea de por que autorizou unha puxa de madeira sen autorización da asemblea, ademáis de que presenten o resto de ofertas presentadas por esa madeira.

Por outra banda, o ingreso da Xunta pola madeira podre que estaba na Fornela, recibiuse única e exclusivamente gracias ás xestións realizadas polos membros da Plataforma. A xunta actual xa nolo podía agradecer.

Gastos adicionais

O gasto de corrente eléctrica foi de 789,33€. Asumir o gasto total de electricidade da parroquia nunca foi votado en asemblea. É outra decisión autoritaria da xunta rectora. Ese gasto debería ser repartido entre todas as asociacións. Ainda que, desde logo, isto é mínimo comparado con todo o anterior.

As Festas deste Ano

Desde a Plataforma aconsellamos á xente que non dea para as festas. Con que paren de roubar haberá cartos de sobra para facelas. Tamén seguimos pedindo que devolvan o que cobraron de comisión por ir pedir o ano pasado.

Aínda quedan máis cousas das que continuaremos informando en canto nos sexa posible.

As fotos da vergoña

As fotos que se mostran aquí foron tomadas no seu día coa cámara do fillo do Portavoz da Plataforma para a Defensa dos Intereses da Pedra, daquela en proceso de constitución. O autor das fotos é o actual presidente da CMVMC e da Asociación Familiar da Pedra, a teupa, Fernando Quiza.

Estas fotos foron presentadas da Delegación da Consellería de Medio Rural da Coruña como proba do abandono no que están, e ainda seguen, os montes e a canteira da Comunidade. Grazas a elas paralizouse a corta de madeira que estaba a realizar a directiva anterior, que tiña como obxectivo desviar os cartos desa corta a unha Fundación creada por eles (ou unha FUNDICIÓN, como dixera algún veciño entendido en caciquismo).

A corta desa madeira foi reasignada a dedo polo actual Presidente. El, que tanto protestou diante nosa por esa corta, continuouna sen dar explicación ningunha nin sobre o adxudicatario nin sobre o proceso de replantación, que nos tememos que non existe.

Desde a Plataforma movémonos daquela para conseguir varias subvencións. Entre elas unha que permitiría ter dous traballadores para o mantemento indefinido dos montes da parroquia. Ademáis do xa mencionado medio millón de euros para a plantación de fungos na parroquia. Nada se sabe da continuación deses trámites por parte da nova rectora.

A Canteira

Da outra novidade que nos enteramos na Coruña foi da responsabilidade que ten a empresa PASEK, concesionaria sobre a parcela da actual mina. Tanto de imdennizar á Comunidade aínda que non a use, como de cubrila e tela preparada. Desde a Plataforma exiximos a inmediata posta ao día deste tema, incluíndo a percepción dos atrasos dos últimos exercícios.

Valoración da actual xunta

No ano e pico que levan no poder, o que levan feito é:

NADA

0 km. de pistas, 0€ de subvencions, 0 hectáreas de superficie plantada... e así suman varios ceros. Iso sí, suman varios de ceros á dereita de toneladas de madeira cortadas, así como de cartos percibidos por varios conceptos.

O primeiro que dixo Fernando Quiza o día da votación foi: "non vamos pedir para as festas". Foi algo que dixo diante de toda a parroquia. Xa se veu. Tamén se ve en que quedou o resto do seu programa eleitoral: papel mollado.

Pistas

Consideramos de importancia capital a realización da pista que permita circular ata o local da Terceira Idade. O presidente actual négase a realizar xestión algunha sen dar motivo ningún. Pola nosta parte, non imos permitir que se realicen pistas que só benefician a uns poucos cando hai obras de grande urxencia que non poden esperar como é o caso desa pista.

Política

Sabemos que a nova xunta rectora ten como estratexia relacionarnos políticamente co actual Alcalde de Cariño. Pola nosa parte, é certo que algún membro da plataforma simpatiza co PSOE de Cariño, pero tamén hai outros que simpatizan coa extrema dereita ou co separatismo radical. Por suposto, non imos dar nomes. O motivo que une a xente con tan diferentes formas de pensar é que nunha aldea non hai espazo para a ideoloxía. Deféndemos os intereses da parroquia concretos sen meternos en parvadas que non levan a nada.

Declaramos explícitamente que a nosa Plataforma non ten nada que ver coa política do Concello. Nin recibiu apoio, nin o prestará a ningunha formación política.

Advertimos tamén que se unha forza política que queira apoiar á banda de cuatreiros que saquea a parroquia pode saír moi perxudicada e a súa reputación moi danada.

Xustiza

Aclaramos que actualmente están abertas varias causas pendentes para aclarar o que sucede na Pedra. Ante a fraqueza da lei de Montes en Man Común pode ser que algunha delas se arquive e as máis delas se retrasen. Ante isto só temos que dicir que o arquivo dunha causa non determina a inocencia dos acusados, se non a falta de indicios, probas irrevocábeis ou elementos de xuízo que condenen ás persoas que se xulgarán. Só unha sentencia exculpatoria sobre os feitos que aquí se expoñen o faría.

Soborno

Fernando Quiza manifestou en varias ocasións a súa negativa a participar na xunta xestora da CMVMC da Pedra. De feito, o día anterior ás votacións estivo con nosoutros sen comentar nada acerca da súa candidatura. Actualmente ten o apoio público da anterior rectora e négase a realizar ningunha auditoría. Por este feito, e outros anteriormente comentados, deducimos que foi comprado pola anterior rectora para encubrir o seu desfalco.

Fernando,

¿Canto che pagaron?

¿Realmente cres que merece a pena seguir tapándoos?

A Rotonda da Pedra

As imaxes aquí amosadas corresponden á carta na que o Portavoz da Plataforma recibiu o escrito anónimo que comezaba con unha frase deste estilo :

"Tenga cuidado con lo que vaya a hacer, no sea que le pueda pasar algo"

O texto completo da carta xa foi publicado e está nos enlaces da barra lateral. Como se pode ver a caligrafía foi deliberadamente desfigurada e a persoa do remite non existe. Este tipo de cartas só as envían os terroristas. E aquí, por comparación, os únicos que encubren aos terroristas son os batasunos.

Explicamos isto unha vez máis porque parece ser que a xente da rectora non entende por que, segundo eles, lles temos tanto odio. Non lles temos odio, simplesmente dá-nos noxo o que fixeron e siguen facendo, tanto eles como os seus familiares. Temos presentado probas abondo tanto neste blog como ante o público en xeral da calaña destes señores.

Resume da última asemblea da Asociación Familiar

A última asemblea foi convocada cun único obxectivo: desprestixiar ao Portavoz da Plataforma, evadindo contestar aos temas máis urxentes para a parroquia. O único tema no que tiveron realmente interese foi en presentar como grandes delitos o que non son máis que parvadas: comentarios presuntamente sexistas emitidos neste ou noutros medios. Iso é todo o que teñen contra nosoutros. Todo isto mentres a parroquia e boa parte do concello asiste atónita e este espectáculo.

Toda a xente que abucheaba e protestaba contra a plataforma, ou son familiares ou teñen algún interese económico na parrquia:

• Un son familiares da anterior directiva.
• Outros cobran por ir pedir.
• Outros son amigos persoais da famosa avogada de prezo módico.
• Hai algún, coma Ponce, que ata ten alindando a vaca nos terreos do "futuro" xeriátrico.

En resume, todos teñen algún interese material en estar ahí e encubrirse mutuamente. E só representan a unha parte mínima da parroquia que non chega nin ao 10%.

Se algunha vez se fixo un comentario que puido parecer sexista ou fora de tono foi única e exclusivamente froito da indignación. Ante esa indignación, unha de dúas: ou reaccionamos con rabia ou facémolo con humor. Optamos polo segundo, tamén temos dereito a botar unhas risas de vez en cando con todo isto. De feito, fixemos ata agora unha oposición moi branda e moi condescendiente. Houbo xente que cando se enterou dalgunha trapallada como o de cobrar por ir pedir para as festas non puido máis que berrar: "Seran fillos de p***!"

Sobre a asemblea:

• Non se tomou ningunha decisión sobre o xeriátrico. Siguen a deixar pasar o tempo sen facer nada sobre iso.
• Teñen a intención de querer facer dúas pistas. Pola nosa parte, temos intención de revocar o noso consentimento para realizalas, porque entendemos que é de importancia capital facer transitábel a pista que vai ata o local da Terceira Idade. Estamos dispostos a ceder parte da nosa propiedade para realizar esa pista e poida circular unha ambulancia. Ésa debe ser a prioridade da parroquia.
• A nova xunta recoñece que se cobraron cuarenta mil pesetas máis por urna do cementerio á xente da Pedra que vive en Cariño.

A nova xunta, presionada pola Plataforma, recoñeceu que eses cartos foron a parar a unha conta a nome dun particular, Daniel Montero Quiza na oficina de Banesto en Cariño. Segundo o anterior presidente, eses cartos foron para "facer unha rotonda". Como todos sabemos, A Pedra é famosa pola súa "rotonda".

Este feito provocou un cruce de acusacións entre a actual e a antiga directiva. Nosoutros non nos cremos nada: a actual directiva hai tempo que estaba ao tanto de todo iso, ainda que agora se faigan os suecos. A xunta rectora segue sen admitir ningún dos outros desfalcos, práctica habitual da anterior directiva. Desde a Plataforma reclamamos, para comezar, a devolución inmediata deses cartos por parte de Daniel Montero Quiza.

Tras facer público o feito de ser todo isto denunciado, o actual Presidente queixouse de que agora eles terían que buscar un avogado para defendelos. Ainda que, naturalmente, se non fixeron nada malo non teñen por que defenderse, polo que poden estar tranquilos, ¿verdade?

Por outra banda, facer notar que na asemblea había xente que non era a Pedra e desta vez, curiosamente, non foi expulsada. De feito, estaba alí unha persoa que tivo alquilado varias hectáreas de pastizais da Pedra sen aportar un peso á parroquia. Ademáis tamén estivo o famoso pintor das urnas, que parecer estar moi interesado no que sucede na parroquia que tanto lle aportou.

"Se isto chega a ser cando Franco, xa estábamos todos mortos"

Esta frase fora pronunciada por Fernando Quiza, o actual presidente, cando se estaba formando a Plataforma e nos enteramos de algunha cacicada máis desa tropa. Ese tipo de frases foron habituais e debidamente premeditadas pola súa parte, coa única intención de desanimarnos e amedrentarnos para desistir da nosa intención de seguir adiante con isto.

El ben sabía que todo era falso, estaba interpretando un papel. Co paso do tempo descubreuse o pastel: estivo con eles desde o primeiro momento e agora intenta por todos os medios encubrilos. El saberá o que fai, se se quedara na casa agora non estaría denunciado.

Toda esta xentuza son só uns pobres mortos de fame que atoparon un xeito de vivir ben, eles e os seus, a conta dunha parroquia desunida e esquilmada pola emigración e a falta de expectativas. Os montes da parroquia son de todos e non dun poucos.

A Báscula da Pedra

Os máis vellos lembrarán que na Pedra había hai moito tempo unha báscula. Ese terreo era da parroquia pero a báscula retirouse e nalgún momento ese terreo "desapareceu". Persoas da anterior directiva quizabes saiban onde foi parar.

Ese terreo non é privado, é da parroquia e ten que volver a ela.

O noso interese

Que interese temos nós en seguir con isto?

En primeiro lugar, nunca nos esperamos atopar tanta merda. Hai pufos por todas partes e isto xa parece a cova de Alí Babá e os cuarenta ladróns. Iso aparece explicado perfectamente na carta de renuncia de Leonardo Pérez Yáñez.

Seguimos nisto por orgullo e porque non vamos a consentir que volver á situación na que nos encontramos cando empezamos, na que había xente que nos dicía: "Vosoutros xa saberedes o que facedes, pero vades ter moitos enemigos. Non se sabe o que hai detrás". É triste que na Pedra houbera xente que vivise con medo desa morralla.

Para nosoutros agora seguir con isto é moi fácil. Estamos nunha posición moi cómoda, por que facer oposición é o máis simple que poder haber. Polo tanto non nos vai ser moi difícil continuar pelexando.

Non empezamos agora, levamos tres anos xa con isto. Agora grande parte do asunto está nos tribunais, pero aínda nos queda moito na Pedra por facer.

Denuncia

Como xa anunciáramos anteriormente, por todo o aquí exposto neste blog, procedeuse durante a semana pasada á tramitación da denuncia ante os xulgados de delitos administrativos de Ferrol. Os interesados poderán consultar o documento presentado na denuncia o sábado que vén a partir das 5 da tarde na oficina de Forestal Villar, así como outra documentación presentada, relativa á parroquia e sobre a constitución da Plataforma que temos no noso poder.

A partir de agora, deixamos este asunto totalmente nas mans da xustiza. Está nas súas mans agora continuar e aclarar o sucedido na parroquia e sentar un precendente tanto para a Pedra como para outras comunidades e organizacións. Entendemos que, ao non haber constancia de a onde foron parar os ingresos da Comunidade nos últimos anos, debe producirse unha actuación exemplar pola súa parte.

Pola nosa banda, continuaremos defendendo os intereses da parroquia, intentando buscar o ben da comunidade e non duns poucos como ocurriu ata agora. De feito, o que sucedeu ata agora é que mentres no veciño Landoi se facían pistas forestais, se destinaban cartos para as festas e incluso se chegou a construir un edificio propio, na Pedra o anterior presidente construía os seus chalets para benefício propio sen facer absolutamente nada na parroquia.

Asemblea da Asociación Familiar

Entendemos que as contas presentadas son ridículas ata para un cativo de 10 anos. Non se poden mesturar as cuotas dos socios con gastos non desglosados. Esas contas están realizadas coa única intención de confundir.

Por outra parte, filtrouse que se van votar varios gastos, tales como a devolución dun préstamo realizado por un particular á parroquia (!) co que se ten a intención de seguir cargando e castigando á parroquia con máis gastos. Desde a Plataforma non apoiaremos que se siga expoliando a parroquia sen facer unha auditoría dos exercicios anteriores.

Por todo iso, non apoiaremos ningún gasto, nin para a devolución do xeriátrico, nin para pagar os desfalcos deixados pola anterior rectora.

Carta coaccionante

Valéndose da súa posición de poder, a actual xunta rectora enviou unha carta na que presenta ás súas excusas á parroquia por non acudir ao Acto de Conciliación ao que foi citado o actual Presidente para entregar a documentación que debería ter, así como presenta ao portavoz da Plataforma como unha persoa vil e malintencionada.

Nesa carta dise que se presentará a documentación "que se teña" na asemblea correspondente. É dicir, nin compromete a nada nin ofrece ningunha explicación de porqué non se ten algo tan básico como uns libros de contas e de actas. Ese feito xa foi denunciado.

Entendemos que esa carta tenta coaccionar á xente da parroquia desde unha posiciónde poder de cara a obter a súa lealtade, condicionando as súas decisións. ¿Como se entendería que un Alcalde enviase unha carta aos seus veciños indicando que unha persoa non lle deixa traballar en paz e ten malas intencións por pedirlle as contas e as actas dos plenos? Caciquismo puro.

Esa carta será presentada como proba ante os Tribunais.

Plantación dos Montes

Esta semana finalizaba o prazo para pedir subvencións á Consellaria de Medio Rural para a plantación dos montes destrozados polo Klaus. As comunidades de montes que invertisen no coidado do monte nos últimos anos teñen importantes benefícios.

Non se ten constancia de que se presentasen as contas parta obter esas axudas adicionais, talvez porque non interesa que se revolva.

Iso tense que acabar.

Historia da Plataforma

Fomos os da Plataforma os que trouxemos á Pedra á Organización Galega de Mancomunidades de Montes Veciñais en Man Común para que dera unha conferencia na que se lle explicara á xente que era unha Comunidade de Montes e como funcionaba.

Fomos os que forzamos por vía xudicial a dimisión dos caciques, que se agarraron canto puideron ao poder como un clavo ardendo porque, como dicían, "quen sodes vosoutros para metervos aquí".

Gracias á Plataforma, sabemos que non só Landoi ten dereito a recibir unha compensación pola canteira, senón que a Pedra tamén ten o mesmo dereito.

As contas da Parroquia amósanse, e poderiamos dicir que se elaboran, só porque a Plataforma presionou para conseguir iso. Sen Plataforma, Javier e Daniel seguirían mangoneando ao seu antoxo.

Somos tamén, por desgracia, os únicos que ata o momento fixemos eleccións en urna. E como isto, moito máis.

Como vedes, a Pedra necesítanos e moito. Seguiremos loitando.

Aquí no pasó nada, señores!

Xustiza

Ésta é a acta do Xulgado de Paz de Cariño na que a xuíza declara sen efecto por non comparecencia dos conciliados. Explicado: O actual presidente da CMVMC da Pedra non se presentou. Está no seu dereito, pero tamén debe ser consciente das consecuencias do seu acto.

A anterior directiva só presentara contas sen asinar como esta:

Nese documento aparecen disposicións en efectivo de ata 15000€ sen xustificar e sen asinar, por suposto. Entendemos que ese diñeiro foi parar directamente aos petos dos anteriores directivos.

Dado que non presenta as contas nin a documentación mínima que lle pedimos (porque é o noso dereito), damos por feito que o anterior presidente Javier López Yáñez e o anterior tesoureiro, Daniel Montero Quiza, usaron para o seu beneficio persoal esa institución, lucrándose a costa dos montes da parroquia.

Cando se entra nunha xunta rectora tal e como fixo a actual, é dicir, sen ter libros de contas e de actas dos anteriores exercícios, o único camiño a seguir é realizar unha auditoría. A actual xunta rectora composta por Fernando Quiza Luaces como presidente e Carlos Miranda como secretario é cómplice de encubrimento do saqueo realizado pola anterior directiva, que son familiares seus.

As accións xudiciais pola nosa conta non van demorar máis. A súa táctica é demorar e alongar os prazos canto poidan para limitar as posíbeis consecuencias. A partir de agora, todo quedará nas mans dos tribunais. Por certo, o actual presidente xa coñece ao noso avogado: estivo con nosoutros cando nos reunimos con el para as accións contra a anterior directiva.

Nova xuntanza da Asociación Familiar

A directiva da asociación, os mesmos de sempre, convocan unha nova asemblea para rendir contas polo ano pasado. Como é a súa obriga, envían por correo o balance de contas dese ano. Ainda que aquí sexa unha novidade, é algo que debería ser habitual e en ningún caso debe ser vendido como un favor á parroquia.

Como por desgracia nos teñen acostumados, esas contas son un despropósito total. Ao aparecer nomes de veciños non imos reproducilas, pero detallamos varias das irregularidades que aparecen a simple vista:

• Aparecen mesturados gastos con ingresos, que deberían aparecer desglosados por separado.
• Aparecen o ingreso de cada socio por separado, en vez de aparecer o total de ingresos por cuotas.
• Mesturan as contas das festas, xa presentadas co resto de apuntes. Donativos individuais xúntanse con facturas sen desglosar, a "bulto".

E volven a mestura cos montes comunales. Nun apunte aparece "Ingreso devolución montes comunales", un ingreso por valor de 700€. O presidente asegurara incluso por burofax que xa non se ían xuntar máis a dúas entidades.

Un membro da plataforma tivo acceso a un extracto bancario da Asociación Familiar na que aparece o ingreso polo arrendamento dos pastizais:

Os membros da Plataforma reclamamos a devolución como mínimo dos últimos cinco exercícios á Comunidade de Montes, que é a que corresponden eses ingresos.

Xeriátrico

Como se detalla nas contas, o Presidente e o Secretario foron facer unha "consulta" á súa avogada favorita. Os detalles da reunión con esa señorita non trascenderon. O que si se sabe é que entraron no seu despacho e cerraron a porta. Cando saíron, ela xa lles cobrara 700€. Eles, pola súa parte, afirmaron quedar moi "satisfeitos" co encontro.

Con eses 700€, esa avogada completa os xa tres millóns de pesetas de minuta a costa da parroquia.

¿Ata cando vamos seguir cebando a esa avogada?

Nesta reunión a rectora propoñerá unha solución para o xeriátrico. De ser unha solución económica, deberá afrontala a anterior xunta, que foi a que nos meteu nese fregado. ¿ Canto nos leva custado xa ese terreo e ata cando nos van seguir castigando con él?

Urnas

Nas votacións para a elección da nova xunta rectora da CMVMC da Pedra votou unha persoa veciña da parroquia de Cariño. Esa persoa foi o pintor das urnas do cementerio da Pedra. Urnas que valeron o dobre das da parroquia de Cariño.

As contas do cementerio siguen sen aparecer por ningunha parte.

Conclusión

Por último, agradecer todos os apoios que estamos recibindo por parte de moitos veciños que, aínda que non queiran involucrarse directamente, dan-nos ánimos continuamente.