A Comunidade de Montes da Pedra é unha das máis grandes de Galicia. Ten máis de 1500 hectáreas de montes e pastizais, incluindo un parque eólico, un repetidor de televisión e unha explotación mineira que ten parte da concesión en terreo comunal. Con esa superficie, toda nunha peza xunta, calquera propietario forestal que a tivese sería millonario.
Sería así se fose explotada por un particular. E sendo un recurso comunal, se eses recursos fosen repercutir na parroquia agora mesmo sería unha das parroquias máis ricas de todo o norte de Galicia e habería varios postos de traballo directos e indirectos a través dela. Por qué non é así?
Á vista está que a actual directiva nunca tivo interese ningún na parroquia. Non fixeron nada a parte de tirar os cartos en festas e deforestar os montes. Chupárono todo e agora haberá que esperar décadas para volver a ter eses recursos. Nin eles mesmos saben canta madeira saliu nestes anos, e moita dela nin se cobrou nin se cobrará nunca.
Trinta persoas escasas asisten agora agora ás asembleas. O resto da parroquia non quere saber nada. E despois, os que gastaran cerca de 20000 euros en pleitear para que a xente de Cariño non puidese facer parte da comunidade, baixan alí tomar os viños e rirse na cara deles no coche da comunidade.
Este blog comezou hai varios anos para dar conta do que alí sucedía. O resultado, varios anos despois de toda a movida, é desastroso. Nada feito pola directiva. O único interese que tiñan cando se meteron era salvarlle o cú aos seus parentes e iso foi o que lograron. Tiveron tempo: levan 6 anos sen facer nada.
AVISO: hai máis gravado do que se mostrou. A gravación é completamente legal: nos actos públicos existe o dereito de liberdade de información que permite difundir esas gravacións.
