domingo, 24 de enero de 2010

Aquí no pasó nada, señores!

Xustiza

Ésta é a acta do Xulgado de Paz de Cariño na que a xuíza declara sen efecto por non comparecencia dos conciliados. Explicado: O actual presidente da CMVMC da Pedra non se presentou. Está no seu dereito, pero tamén debe ser consciente das consecuencias do seu acto.

A anterior directiva só presentara contas sen asinar como esta:

Nese documento aparecen disposicións en efectivo de ata 15000€ sen xustificar e sen asinar, por suposto. Entendemos que ese diñeiro foi parar directamente aos petos dos anteriores directivos.

Dado que non presenta as contas nin a documentación mínima que lle pedimos (porque é o noso dereito), damos por feito que o anterior presidente Javier López Yáñez e o anterior tesoureiro, Daniel Montero Quiza, usaron para o seu beneficio persoal esa institución, lucrándose a costa dos montes da parroquia.

Cando se entra nunha xunta rectora tal e como fixo a actual, é dicir, sen ter libros de contas e de actas dos anteriores exercícios, o único camiño a seguir é realizar unha auditoría. A actual xunta rectora composta por Fernando Quiza Luaces como presidente e Carlos Miranda como secretario é cómplice de encubrimento do saqueo realizado pola anterior directiva, que son familiares seus.

As accións xudiciais pola nosa conta non van demorar máis. A súa táctica é demorar e alongar os prazos canto poidan para limitar as posíbeis consecuencias. A partir de agora, todo quedará nas mans dos tribunais. Por certo, o actual presidente xa coñece ao noso avogado: estivo con nosoutros cando nos reunimos con el para as accións contra a anterior directiva.


Nova xuntanza da Asociación Familiar

A directiva da asociación, os mesmos de sempre, convocan unha nova asemblea para rendir contas polo ano pasado. Como é a súa obriga, envían por correo o balance de contas dese ano. Ainda que aquí sexa unha novidade, é algo que debería ser habitual e en ningún caso debe ser vendido como un favor á parroquia.

Como por desgracia nos teñen acostumados, esas contas son un despropósito total. Ao aparecer nomes de veciños non imos reproducilas, pero detallamos varias das irregularidades que aparecen a simple vista:
  • Aparecen mesturados gastos con ingresos, que deberían aparecer desglosados por separado.
  • Aparecen o ingreso de cada socio por separado, en vez de aparecer o total de ingresos por cuotas.
  • Mesturan as contas das festas, xa presentadas co resto de apuntes. Donativos individuais xúntanse con facturas sen desglosar, a "bulto".

E volven a mestura cos montes comunales. Nun apunte aparece "Ingreso devolución montes comunales", un ingreso por valor de 700€. O presidente asegurara incluso por burofax que xa non se ían xuntar máis a dúas entidades.



Un membro da plataforma tivo acceso a un extracto bancario da Asociación Familiar na que aparece o ingreso polo arrendamento dos pastizais:

Os membros da Plataforma reclamamos a devolución como mínimo dos últimos cinco exercícios á Comunidade de Montes, que é a que corresponden eses ingresos.


Xeriátrico


Como se detalla nas contas, o Presidente e o Secretario foron facer unha "consulta" á súa avogada favorita. Os detalles da reunión con esa señorita non trascenderon. O que si se sabe é que entraron no seu despacho e cerraron a porta. Cando saíron, ela xa lles cobrara 700€. Eles, pola súa parte, afirmaron quedar moi "satisfeitos" co encontro.

Con eses 700€, esa avogada completa os xa tres millóns de pesetas de minuta a costa da parroquia.

¿Ata cando vamos seguir cebando a esa avogada?

Nesta reunión a rectora propoñerá unha solución para o xeriátrico. De ser unha solución económica, deberá afrontala a anterior xunta, que foi a que nos meteu nese fregado. ¿ Canto nos leva custado xa ese terreo e ata cando nos van seguir castigando con él?



Urnas

Nas votacións para a elección da nova xunta rectora da CMVMC da Pedra votou unha persoa veciña da parroquia de Cariño. Esa persoa foi o pintor das urnas do cementerio da Pedra. Urnas que valeron o dobre das da parroquia de Cariño.

As contas do cementerio siguen sen aparecer por ningunha parte.


Conclusión

Por último, agradecer todos os apoios que estamos recibindo por parte de moitos veciños que, aínda que non queiran involucrarse directamente, dan-nos ánimos continuamente.


sábado, 9 de enero de 2010

"Estamos trabajando en ello"



Este burofax foi enviado ao Presidente da CMVMC da Pedra durante as pasadas datas, transcurrido o prazo de confianza otorgado á nova directiva para que presentase as contas e actas dos anos anteriores e vendo que non se mostraba ningún documento.

Nel pídese copia de documentos básicos en calquera sociedade, tal como o libro de contas, o de actas, así como un detalle das subvencións recibidas nos últimos anos e no número de toneladas cortadas, así como os lugares ondes se realizaron traballos forestais. Anteriormente, xa enviaramos burofaxes similares á anterior rectora.

A resposta recibida foi esta:

En vez de recibir os documentos que deberíamos, como contestación recibimos que non poden presentar esa documentación (talvez porque presuntamente non existe) porque están "traballando e ordenando" o recibido pola anterior xunta rectora. Máis dun ano despois do nomeamento da nova directiva resulta que a documentación non aparece por ningunha parte. Debe ser que non tiveron tempo aínda de "ordenala".

Este feito, admitido nun documento con validez legal, é gravísimo. Non se pode entender que se lle pida unha documentación de exercicios pasados a un presidente e conteste que "a está ordenando". Ademáis diso, admite xa un delito: ata chegar eles a Comunidade de Montes e a Asociación Familiar tiñan as contas e as actas mesturadas. Estamos ante un caso claro de encubrimento por parte da actual xunta rectora das accións da anterior.

En ningún caso lles serve de excusa o feito de gañaren as eleccións e a aprobación das contas do 2008. Houbo xente que votou en contra e non presentaron contas ningunhas dos exercicios anteriores. Só con que haxa un comuneiro que impugne as contas ten dereito a que se realice unha auditoría.

Sobre o tema do pleito coa nova CMVMC de Cariño, temos coñecemento que o Tribunal de Estrasburgo admitiu a trámite o recurso presentado por eles. A xunta rectora da Pedra debería mirar de chegar a un acordo con Cariño en vez de pagar a avogados facturas astronómicas alegremente.

Cando en algún caso se votou a favor da actual directiva da Comunidade foi para favorecer os intereses da Pedra. Apoiamos os intereses da Parroquia, a diferencia de outros que parecen apoiar os intereses privados de certas familias.

Sexa cuestión de burla, incompetencia ou neglixencia por parte da actual rectora, en breve poñeremos o caso nos tribunais por segunda vez. Na primeira o anterior presidente admitira no xulgado de paz varias neglixencias e o proceso acabara coa convocatoria de eleccións en urna, as únicas realizadas ata o momento. Desta vez continuaremos ata que se realize unha auditoría. Nese caso o responsabel económico debería ser o actual Presidente, que debe asumir as consecuencias das súas accións.

Por último, non teríamos chegado a isto se non asistiramos a como se replican os comportamentos caciquiles da anterior xunta:
  • Non se realiza subasta pública da madeira que se corta.
  • Contrátanse traballadores a dedo sen pasar pola asamblea.
  • Rexeitouse un proxecto subvencionado por valor de medio millón de euros para cultivar fungos nos montes porque "había que organizalo". Deben estar moi ocupados ordenando papeis.
  • Preséntanse facturas astronómicas por pleitos que non debería haber.
  • A xunta debe aclarar se un dos repetidores de televisión do concello está nos terreos da comunidade de montes. Nese caso deben existir as factura da empresa Abertis por ocupar ese terreo, que non figura nas contas presentadas.
Continuaremos defendendo os intereses da Parroquia. En próximas entradas amosaremos máis información que temos no noso poder sobre o expolio ao que foi sometida durante os últimos anos.


Manuel Villar Villar
Portavoz da Plataforma para a Defensa dos Intereses da Pedra

miércoles, 23 de diciembre de 2009

O solar do "xeriátrico"

Como ven sendo habitual nas imaxes, pulsade sobre ela para vela en grande.

Ésta é o recibo da contribución do solar do famoso "xeriátrico" ao que puideron ter acceso membros da Plataforma. Trátase do recibo polo ano 2008, polo que o terreo xa estaba transferido a os dous cataláns: Miguel López Ten e José Álvarez Pais. Polo tanto, a parroquia da Pedra está pagándolle a contribución a eses dous elementos.
Para ver o terreo no visor do catastro pulsade aquí:

Podedes comprobar que é ese introducindo a referencia catastral na Oficina Virtual do Catastro: http://www.catastro.meh.es/.

Outra cousa que chama a atención é que ese terreo está a nome dunha tal "Asociación de Veciños A Pedra". A asociación da Pedra non é de veciños, senón "Familiar" como se indica en toda a documentación que emite. Trátase, polo tanto dunha asociación que ou non existe, ou se existe é secreta. Polo tanto, enviámoslle unha mensaxe aos responsábeis desa "asociación de veciños": queremos entrar nela e presentarnos á presidencia.

Isto forma parte do entramado que tiña montado a xunta anterior, e que persiste con esta. Escurantismo no que se presentan asociacións familiares, de veciños e de montes de veciños, familiares de veciños, etc... Todo para confundir.

Seguiremos presentando documentación durante o ano que vén. Para que a teñades a mao, aparecerá en breve nun cadro da barra lateral ordeada por data de presentación.

Bo Nadal a todos os lectores. E feliz 2010 a todos os que contribuídes a difundir a loita anti-caciquil, tanto na Pedra como fóra dela.

domingo, 13 de diciembre de 2009

A Plataforma pola Defensa dos Intereses da Parroquia da Pedra



Esta é unha foto histórica: foron as primeiras eleccións democráticas celebradas o día 23 de Novembro de 2008 na Comunidade de Montes da Pedra. O fotógrafo xornalista fora enviado polo Diario de Ferrol para cubrir o evento, e foi publicado na edición do xornal o luns seguinte. A fotografía foi tomada con total liberdade durante o transcurso do acto e nin a mesa nin os asistentes se enteraron, tal e como debe ser nunha fotografía tomada nun acto público.

Na foto aparecen, ademáis da persoa máis vella e a máis nova que conformaron a mesa electoral, varios membros da plataforma, daquela en fase de constitución, Leonardo Pérez Yáñez, Manuel Villar Villar e Fernando Quiza Luaces, candidato "sorpresa" presentado no último momento. Máis á dereita estaría o candidato proposto pola Plataforma, que non aparece na instantánea.

Esta é unha das accións realizadas polos membros da Plataforma a título privado. Todas as accións impulsadas pola plataforma realízanse sempre a título privado por parte dos seus membros. A Plataforma é un xeito de canalizar eses apoios e evitar a duplicidade das accións dos seus membros.

Recentemente, o Portavoz da Plataforma, recibiu este burofax, enviado por 8 membros das actuais directivas da Comunidade de Montes e da Asociación de Veciños e afíns ao novo réxime:

Neste documento asinado ante notario, esta xente reclama os estatutos da Plataforma, así como o calendario de eleccións. Aducen que veñen de gañar as eleccións tanto na Comunidade como na Asociación (admiten que son os mesmos) e que lles gustaría presentarse para defender eles tamén a parroquia. De non facelo pensarán que a Plataforma só defende intereses privados. Tamén preguntan se nos poden facer fotos cando lles dea a gana. Nese documento hai 4 persoas que son familiares da anterior xunta rectora.

Ante isto a Plataforma aclara que agora mesmo está blindada contra teupas ("topos"), polo que a entrada nela está limitada segundo o criterio dos nosos membros, dados os casos de transfuguismo ocurridos recentemente.

Luis Fernando Quiza Luaces, actual Presidente da Comunidade, ten vetada a súa entrada na Plataforma. Este veciño acompañou aos membros da Plataforma, daquela en proceso de Constitución, durante as accións que conduxeron á forzada dimisión da anterior directiva. Incluso acompañou aos membros en varias viaxes ata a Delegación da Consellaría de Medio Rural e outras instancias.

Durante todo ese tempo, asegurou coñecer de primeira man as actividades escuras da anterior directiva. Por ser unha persoa que anteriorme impulsara e colaborara en actividades de interese público da parroquia, ofrecéuselle incluso ser Presidente da candidatura proposta pola Plataforma. Naquel momento, el negárase aducindo non ter tempo. Ademáis, negábase continuamente a forzar as eleccións e realizar unha auditoría con frases do estilo:

"Que se enchan! Esperade a que eles convoquen as eleccións e que se enchan ata que reventen!"

Un mes despois, ao forzar legalmente varios membros da Plataforma as eleccións, presentou no último minuto a súa candidatura. A anterior directiva estaba na porta repartindo as papeletas coa súa candidatura. De feito, no momento da lectura do censo de comuneiros para a votación, el non figuraba nese censo, xa que anteriormente se dera de baixa por "non querer saber nada". Ese feito xa demostra que algún motivo tería para presentarse no último momento. Os membros da Plataforma convocantes da asemblea admitiron a súa candidatura

Membros da anterior directiva estiveron repartindo as papeletas da súa candidatura na entrada a esa asemblea e incluso chegaron a retirar as da Candidatura da Plataforma, que en ningún momento condicionou aos votantes poñéndolles o sobre na man. Semanas despois presentouse tamén para a Asociación de Veciños, da que antes tampouco quixera saber nada. Foi polo tanto unha teupa, metida na Plataforma para informar aos caciques da Parroquia.

Carlos Miranda Armada, está tamén vetado na Plataforma por ser familia directa tanto do actual Presidente como do anterior Tesoureiro, Daniel Montero Quiza. A admisión do resto dos asinantes está condicionada á devolución dos cartos que se cobraron por ir pedir para as festas.

Con respecto ao das fotos, a lei é clara sobre que non se pode obstaculizar a información sobre actos públicos. Os caciques anteriores vetaron aos xornalistas e incluso chegaron a chimpar dunha asamblea a unha xornalista descendente de veciños da parroquia. Para a seguinte asamblea, os membros da Plataforma solicitarán a presenza dos medios de comunicación, se a rectora non os admite é porque sigue o camiño dos anteriores.

E por último, a Plataforma fai notar que na última Asamblea presentaron as contas das festas, pero non presentaron as contas da Asociación Familiar, como debería ser o seu deber.

A Plataforma continuará loitando na defensa dos intereses da Parroquia, valéndose sempre da legalidade e da liberdade de expresión, ata que non sexa necesaria: cando se realize unha auditoría independente nas contas das asociacións e comezen a facerse as cousas ben dunha vez por todas.

sábado, 5 de diciembre de 2009

A escritura dos terreos do xeriátrico que nunca se fixo


A copia aquí exposta foi pagada por membros da Plataforma do seu propio peto, así como as fotocopias que foron repartidas entre os veciños.

Pulsade sobre as imaxes para ver completas.

Para comezar, primeiro aparece o nome das persoas que asinan o documento:







Está é a escritura asinada polo ex-presidente da xunta rectora da Asociación Familiar da Pedra, Javier López Yáñez coa empresa "Geriátrico Olas, S.L.", para a permuta dos terreos para a construcción dun xeriátrico nun terreo da parroquia.
Para comezar, habería que explicar quen é o tal Miguel Ten. Este home chegou á parroquia co proxecto do xeriátrico no brazo e a promesa de presentarse ás eleccións polo Partido Popular de Cariño, do lado de dous, ata entón, ilustres membros do partido.
Unha busca de datos nun portal de información sobre empresas amosa esta lista sobre Miguel Ten López:

Nombre Provincia Cargo Empresa

TEN LOPEZ MIGUEL Castellón ADMINISTRADOR UNICO SOREC SL
TEN LOPEZ MIGUEL Tarragona ADMINISTRADOR UNICO PROMOLOT I HABITATGES 2000 S.L.
TEN LOPEZ MIGUEL Tarragona ADMINISTRADOR UNICO LA MASO PARC SOCIEDAD LIMITADA.
TEN LOPEZ MIGUEL Tarragona ADMINISTRADOR UNICO SANT CARLES RESIDENCIAL SOCIEDAD LIMITADA.
TEN LOPEZ MIGUEL Lleida ADMINISTRADOR UNICO TORRES FARRERA INMOBLES SL.
TEN LOPEZ MIGUEL Barcelona ADMINISTRADOR UNICO HOSTALETS VERT S.L.
TEN LOPEZ MIGUEL Tarragona ADMINISTRADOR UNICO FEINADA, S.L.
TEN LOPEZ MIGUEL A Coruña ADMINISTRADOR CENTRO GERIATRICO OLAS S.L.
TEN LOPEZ MIGUEL Tarragona ADMINISTRADOR HABITATGES VINYOLS MAR SOCIEDAD LIMITADA.
TEN LOPEZ MIGUEL Tarragona ADMINISTRADOR TEN PUBLICIDAD S.L.
TEN LOPEZ MIGUEL Tarragona SOCIO SANT CARLES RESIDENCIAL SOCIEDAD LIMITADA.
TEN LOPEZ MIGUEL Tarragona APODERADO GESTION INMOBILIARIA BARNA MAR SL.
TEN LOPEZ MIGUEL Tarragona EX-CONSEJERO DELEGADO ADMINISTRACIONES GENERALES S.L.
TEN LOPEZ MIGUEL Tarragona EX-CONSEJERO DELEGADO TEN PUBLICIDAD S.L.
TEN LOPEZ MIGUEL Tarragona EX-ADMINISTRADOR BAGADA SL
TEN LOPEZ MIGUEL Tarragona EX-ADMINISTRADOR NUTAGUEL S.L.
TEN LOPEZ MIGUEL Tarragona EX-APODERADO BENAVENT ILLA PARADIS SOCIEDAD LIMITADA.
TEN LOPEZ MIGUEL Girona EX-APODERADO LES MASIES DE TORTELLA S.L.

Como se pode apreciar, é un home moi ocupado. De feito é un home tan ocupado que non volveu aparecer por aquí desde 2007. Outro detalle importante é que declaran como domicilio a rúa Centeás nº1, residencia do antigo médico de Cariño.

A escritura é unha permuta dun solar a cambio de servizos. Isto é a cambio da construcción e posterior xestión dun xeriátrico. Vemos agora os datos da empresa.



Nesta folla pódense ver claramente que a empresa "Geriátrico Olas S.L" ten a sede social na casa do antigo médico de Cariño. Estes datos son evidentemente falsos, xa que esa empresa non existe nin existiu nunca.
A Plataforma ten coñecemento que nese domicilio se recibiron multas de tráfico a nome desa empresa e dun BMW de gama alta.




Nestas dúas follas é onde se realiza a permuta e se consuma a estafa. Nelas, a empresa fantasma adquire o solar e comprométese a xestionala durante 35 anos a partir do inicio da actividade do xeriátrico. Tendo en conta que esa actividade nunca comezou, o solar é e continuará sendo da empresa, tendo en conta a primeira estipulación da escritura.

Como contraprestación, inclúese unha cláusula no que se cederían o 10% das prazas aos veciños da parroquia que determine a Asociación Familiar. Isto é, a dedo. Non fai falta dicir quen tiña pensado ocupar esas prazas.

Na seguinte páxina indícase a claúsula habitual de que se contrataría con preferencia persoal da parroquia. Despois indícase o tema dos cartos:





Nestas follas fálase de que a construcción levarase a cabo nun prazo máximo de tres anos desde a concesión da licencia de obras. Tengo en conta que os "promotores" nunca pagaron a licencia, ainda que si presentaron a documentación, esa cláusula nunca se levará a cabo.

Como colofón, os cataláns emiten un aval de 90.000€ a favor da Asociación Familiar (de veciños). Como pon na escritura:

"Dicho aval quedará sin efecto, una vez comience la actividad de la residencia, o si no se realizara edificación sobre el solar al carecer éste de los permisos y/o licencias para tal actividad, o no pudiere iniciarse o construirse por causas ajenas a la voluntad de la entidad constructora-promotora del proyecto".

Queda bastante claro que ese aval non ten efecto, por carecer a obra de permisos. Por outra parte, por ter un aval hai que pagar por renovalo todos os anos. Algo que é bastante difícil de crer que o fixeran.

Se esa obra non ten permisos é porque non pagaron as taxas no Concello. Na última reunión da AA.VV. o novo Presidente afirmou que o Concello tiña parte de culpa niso. O Concello terá culpa de moitas cousas, pero neste caso a responsabilidade é completa dos que asinaron a escritura.

Cando se realiza unha escritura e sobre todo por unha operación tan importante, as partes que a asinan saben ou deben saber perfectamente o que están declarando. Neste caso cabe distinguir as diferentes responsabilidades.

En primeiro lugar a dos cataláns. Como se pode apreciar na documentación aportada, son uns verdadeiros profesionais que se adican a realizar este tipo de "operacións".

En segundo lugar, en non menos importante. A do ex-presidente e a ex-xunta reitora: Asinaron esa escritura sabendo que contiña datos falsos. Varios feitos indican claramente que eles sabían perfectamente que estaban a facer algo que non estaba ben:
  • A finca finca foi comprada con cartos da Comunidade de Montes (non se sabe cantos) e cedida pola Asociación Familiar. As xuntas anteriores mesturaron unha asociación con outra, nunha especie de Asociación Veciñal de Montes situada no limbo xurídico.
  • Na lectura da escritura na asamblea da Asociación de Veciños, cando estaba a ler os lindes do solar, a entón secretaria leu "Asterisco". Porque? Unha de dúas: ou se lle nublou a vista ou estaba a ler un documento falso. Nese preciso momento, a secretaria non quixo saber nada máis e dimitiu no acto. Na escritura figura outra nova secretaria, Mª Teresa Garrote Rubido.
  • O proxecto do xeriátrico era de "alto standing". De levarse a cabo, moita xente non disporía dos recursos para entrar nel. Excepto, claro está, os "escollidos" para as plazas reservadas.
  • A AA.VV. pagou os gastos de escrituración. Por lóxica debería ser a outra parte a que os sufragase. Ata iso lle limparon á parroquia.

A responsabilidade da actual xunta da Asociación de Veciños e da Comunidade de Montes: Négase a tomar medidas urxentes contra este saqueo e teñen a intención de que a parroquia pague os pleitos por ese terreo. Incluso chega a culpar á Alcaldía de que non se constrúa ese xeriátrico.

Desde a Plataforma exiximos que sexa o ex-presidente o que, de decidirse a pleitear polo terreo, o que asuma os gastos do xuícios. Foi el quen meteu á parroquia neste lío e foi el quen debe asumir as consecuencias.

Na última asamblea decideuse conceder un prazo prudencial para que o ex-presidente tente convencer aos cataláns de que devolvan o terreo. Temémonos que sexa una estratexia máis para deixar pasar o tempo, mentres A Pedra segue sen xeriátrico.

Pulsade sobre o enlace para ver o álbum completo da escritura do xeriátrico da Pedra con todas as follas. Ao ser unha escritura elevada a público, está á libre disposición de calquera que queira consultala.

martes, 24 de noviembre de 2009

Resume da última Asamblea da Pedra









Pulsar sobre as imaxes para ver os documentos.












Estas son as contas das festas da Pedra presentadas na última asamblea da Asociación de Veciños celebrada o día 22 de Novembro. Expóñense públicamente aquí porque A XENTE TEN DEREITO A COÑECELAS.

As contas expóñense tal e como foron presentadas, sen manipulación e sen textos resaltados.

O que máis chama atención destas contas son os máis de 2000€ que se pagaron á xente que foi pedir donativos. Decláranse como "Traballo de...". Houbo xente que cobrou en ocasións máis de 500€, sen contrato nin seguro.

Desde a Plataforma maniféstase a nosa profunda indignación por ese feito. Nunca a comisión de festas da Pedra, da que formaran parte en anos anteriores membros da Plataforma, cobrara un peso por percorrer a parroquia.

Os membros da Plataforma sempre pagaron do seu propio peto todos os gastos, houbera que ir pola parroquia ou ata a Coruña e sempre rexeitaron os donativos que lles foron ofrecidos. A xunta rectora non ten ningunha xustificación para pagar a ninguén por ir pedir.

Desde a Plataforma tememos que detrais deste feito se oculte a intención de organizar unha nova REDE CACIQUIL na parroquia, onde os afíns ao poder reciban gratificacións pola súa lealtade e se lle dea esta mensaxe á xente: "SE ESTADES CON NOSOUTROS, ALGO VOS PODE TOCAR".

Outro punto que chama a atención é a ausencia de numeración nos recibos dos donativos. Sen numeración non se poderá saber nunca a cantidade recibida polos cobradores.


A Asamblea

Entre os temas tratados destacan:

  • O Presidente amosa a súa disconformidade coa Alcaldía, considerando que discrimina á parroquia, opinión compartida por moitos dos seus veciños.
  • O pleito para recuperar o terreo do xeriátrico custaría arredor de 8000€. A Plataforma exixe que sea o anterior Presidente e non a parroquia o que asuma eses gastos.
  • A Asociación ten previsto realizar varias pistas seguindo o seu propio criterio.
  • A rectora actual continúa a traballar coa avogada que cobrou os 17000€ (retención incluida) da Comunidade de Montes. Seguen o camiño dos anteriores.
  • Ante a solicitude de varios veciños de amosar as contas do cementerio, a rectora actual négase a facilitar as contas da Comisión Xestora.
A Plataforma entregou a seguinte nota informativa, que o presidente leu en alto, como é o seu deber:



A asistencia á Asamblea foi mínima, unhas trinta persoas, na súa maior parte favorábeis á xunta rectora, polos motivos enunciados antes. O resultado da asamblea foi a aprobación de todos os puntos propostos pola xunta rectora. A xente da Pedra é maior e moita dela non ten gana de asistir a este tipo de abusos.


Autoritarismo


Antes de comezar a asamblea produciuse un feito bochornoso para toda a parroquia. O presidente expulsou da Asamblea a un fillo do Portavoz da Plataforma pola Defensa dos Intereses da Pedra. O argumento: a Asociación é unha entidade privada e el non era socio.
Antes de retirarse pacíficamente, tivo tempo de tirar unha foto e capturou o momento.

O valor que durante tanto tempo non tiveron para enfrentarse aos de chupaban antes, téñeno agora para botar fóra ao fillo dun veciño que intentar aclarar e amosar a verdade á parroquia.


Aclaración final

A esta situación chégase pola cantidade de tropelías cometidas polos anteriores e amenaza con continuar no futuro. Se se fixeran as cousas ben e non houbera a intención clara de tapar o saqueo anterior, este blog non existiría e a parroquia estaría en paz.

Por outra banda, ante os rumores de ser esta unha campaña organizada pola actual corporación municipal, a Plataforma négaos taxantemente. Esta plataforma está composta por xente de moi diferentes ideoloxías, unidas por un interese común: a defensa dos intereses da parroquia. A Plataforma non favorece nin perxudica a ningún partido concreto: simplemente expón os feitos e os documentos para que sexan coñecidos por todos os interesados, isto é, a xente da parroquia da Pedra e outras parroquias veciñas.


Manuel Villar "Cabaleiro"
32.605.341N



jueves, 12 de noviembre de 2009

As contas do 2008

























Pulsar sobre as imaxes para ver os documentos.

Estes dous documentos aquí publicados son de dominio público, e os dous están asinados pola mesma persoa:

  • Un pertence á carta enviada polo presidente da "Asociación Familiar Nosa Señora da Pedra" aos veciños en maio deste ano.
  • O outro son as contas do ano mostradas pola nova directiva da Comunidade de Montes en Man Común da parroquia da Pedra en xaneiro deste ano.
Comezamos polas contas:

Saldo anterior: 20.991,66€
Ingresos: 14.817,66€
Gastos: 18.163,44€
Saldo actual: 17,645.88€


Estas son as primeiras contas "serias" que se presentan en toda historia da Comunidade. A xunta rectora anterior negárase sempre a facilitar esas contas. Non se dubida de que se teñen todos os xustificantes que se mencionan, para o ano 2008. Habería que falar dos anteriores.

O primeiro que chama a atención son os honorarios da Sra. Avogada : 14.283,50. E todo iso por un xuízo que supostamente gañou a comunidade.

Outro detalle que chama a atención son eses 14.817,66 € que aparecen de ingresos:

14.817,66€ x últimos 10 anos : 140.817,66€

A xente da Pedra quere saber que se fixo con todos eses cartos nos últimos anos. A esa cantidade habería que sumarlle ademáis toda a madeira que se cortou durante todos estes anos. Cantas toneladas se cortaron? En ningún momento se aportou ese dato.

Varios comuneiros teñen solicitado unha AUDITORÍA INDEPENDENTE: a actual rectora négase a realizala sistemáticamente, tal e como fixera a rectora anterior.

Por que non se realizou ainda esa auditoría?

As comunidades de montes están dasamparadas e infravaloradas pola Administración. Calquera Sociedade Cooperativa ten a obriga de realizar unha auditoría anualmente, pero unha Comunidade depende da Xunta Rectora para facelo.
Por dignidade, a xunta rectora actual debería realizar unha.


A Asociación de Veciños

O próximo día 22 haberá nova asemblea. Nela vanse presentar os proxectos da nova xunta, que casualmente coincide que son os mesmos da Comunidade de Montes. Os mesmos que durante máis de 20 anos calaron agora queren levantar a parroquia.

Na carta enviada en maio aos veciños da parroquia, o novo presidente fala dos seus grandes proxectos: o xeriátrico, as instalación deportivas, ... Tamén fala de pedir "voluntarios" para ir pedir "donativos" polas casas. Pagandolles, claro. Catro meses despois de declarar 17645,88 € de beneficios, o presidente ten a cara de pagarlle á xente para ir pedindo máis cartos casa por casa, incluso por Cariño. E cando se lles pregunta por que o fixeron contestan: aprobámolo en asamblea. É que non teñen un mínimo de dignidade?

Lembroslle ao presidente e aos que cobraron por ir pedir, que estiveron realizando una "actividade ecónomica remunerada por conta allea", polo que se traballan para a asociación, deberán presentar un contrato de traballo, e se son autónomos, as facturas correspondentes. Do contrario estarían incurrindo en fraude ante a Seguridade Social.

En próximas entradas, mostraránse máis documentos: A escritura do xeriátrico firmada polo ex-presidente cunha empresa con sede na casa do antigo médico de Cariño, o detalle das contas bancarias onde aparecen retiradas de diñeiro en man, etc...


Manuel Villar "Cabaleiro"