3 anos perdidos

A punto de cumplirse 3 anos da complicada asemblea na que saliu elixida a actual rectora, todo segue igual. As melloras na xestión, por moito que digan, foron mínimas. Na última asemblea da comunidade de montes, a rectora repartiu a "documentación" dos últimos anos. Nela pode comprobarse que os anteriores diretivos roubaron a mares, e iso que falta documentación e falta o detalle da madeira vendida... Eses documentos, totalmente inválidos a nível legal, están circulando pola parroquia e son escandalosos.

A xente que realizou o paripé de presentar uns documentos incompletos, con numerosas omisións e irregularidades, non ten a preparación necesaria para realizar unha auditoría. Iso é evidente, por moito que se intente presentar como unha "limpeza" e un aclarado de contas. O que é: un blanqueo.


Parece que todo sigue igual. E para mostra isto:

Subasta de madeira (pulsa para baixar o Diario Oficial de Galicia co detalle das subastas)

Así é como se entera a parroquia da Pedra de cando e como se vai vender madeira. a través do DOG. Aínda que sexa a través da Xunta, o deber da rectora é convocar unha asemblea para informar da corta.

Para a venta anterior, a rectora "buscara" unha empresa, formalizada no momento exacto da subasta, "A Miranda, S.L.". Empresa da que a día de hoxe non se sabe nada. Por certo, cobrouse esa madeira? Foron eles os que buscaron esa empresa.

Outra cousa máis, a madeira que vai vender a rectora non está certificada. A de Landoi, que tamén vende, ainda que por outros motivos que figuran no documento, sí que o está e por iso vale máis e o proceso ten máis garantías.

Aquí pódese comprobar cal e a madeira certificada do Concello de Cariño e tamén do resto de España, para a quen lle interese. A rectora tivo 3 anos para certificar os montes, pero non tivo interese ningún en facelo. En facer o paripé das "contas", si que tiveron interese. Se os montes están certificados, os comuneiros poden pedir as pesadas dos camións e a orixe. E iso sí que non interesa.

O que debían contarlle á xente é que o plano que cobrou o chupatintas de enxeñeiro forestal que trouxeron, xa non vale. Ese enxeñeiro cobrou o plano dúas veces como mínimo, unha da Xunta e outra da Pedra. Para a certificación fai falta outro Plan Forestal, adaptado ás necesidades das certificacións PEFC e FSC.

Para a xente que queira enterarse de como funciona o tema da certificación forestal, que é o futuro queiran ou non, temos aberta a oficina forestal de Forestal Villar os sábados pola tarde.

Seguiremos informando, ainda que sea a través do DOG.

Asemblea en plena campaña electoral

O próximo domingo día 15 celebrarase unha nova asemblea da comunidade de montes da Pedra. Xusto unha semana antes das eleccións municipais. De todas as semanas do ano, a diretiva foi escoller a menos indicada, ainda que iso para eles xa é o normal.

Desta vez, enviáronlle a todo o mundo as contas, que por suposto son un desastre: aparecen mezclados conceptos das festas, do cementerio, etc... Iso si aparece tamén o que cobraron por talar os pinos, que é unha mínima parte do que destruiron en riqueza micolóxica (setas). O lógico sería que as partidas estiveran desglosadas e foran aprobadas previamente pola asemblea, en vez de aparecer todo mezclado con evidente intención de confundir. Tamén aparecen gastos bastante sospeitosos, como 1000€ en gasto de impresión de carteis para as festas. Tristemente xa son normais esas trapalladas.

Ademáis tamén figura o IVA (os cartos de momento non aparecen) dunha tala feita por unha tal empresa "Explotacións Forestais Miranda, S.L". Os datos dela son públicos, pulsando sobre o enlace aparece que foi creada en febreiro de 2010 e que ten a sede social no domicilio dun particular ben coñecido de Cariño. Pouco despois de crearse "gañou" o concurso feito pola rectora, concurso do que só se sabe que "foi a que mais deu". A diretiva non se molestou en dar datos nin de prezos nin de cantidades nin se houbo ofertas doutras empresas e cales foron. Ata teñen a cara de chamarlle igual que a comunidade de montes.

Como dato positivo, vaise tratar o tema da certificación forestal e presentarase un proxecto para un circuito deportivo. Falaremos diso nas próximas datas.

Embaucadores

Estes fragmentos corresponden á última asemblea da Asociación Familiar da Pedra, non confundir coa Comunidade de Montes. Nesta asemblea foi votada a expulsión do autor deste blog (tranquilos, da comunidade de montes no me poden votar). Antes de comezar, presentámoslle un escrito ao presidente pedíndolle a votación en urna de todos os puntos, por seren de capital importancia para a parroquia.



O presidente, como se escoita, négase a atender o escrito como era o seu deber e faino de malos modos. Nós pedimos a votación en urna porque entendemos que as votacións a man alzada son coercitivas. Caciquismo en estado puro.

Cando ofrecemos fragmentos das asamblea sempre son de varios minutos, o máis pequeno é de o anterior. Non son frases sacadas de contexto, son cousas que se falan na asemblea porque son de dominio público. O seguinte é un fragmento do máis repugnante e falso que apareceu ata agora.



Os documentos que se presentaron, ademáis dun extracto bancario con numerosos movementos irregulares, foron:







Non teñen ningún pudor en amosar públicamente que non existen xustificantes dos gastos en que estivo a diretiva anterior. Todos os reintegros do extracto bancario que presentan están sen xustificar. Quen os meteu o peto, entón? Facían falta tantas horas para presentar tres follas escasas e con letra abultada? Que estaban tratando ata esas horas da mañá, a ver quen puña a cara para xustificar o desfalco?

É difícil ser máis falso que Fernandiño. Non nos extraña que vaia facer dous váteres no campo da festa: leva limpando a merda dos demáis desde que entrou de presidente.

E ainda hai outa máis: no "detalle" dos gastos aparecece que para un ano só teñen o xustificande por "fotocopias" de... Fátima Ojea Barcón, a famosa avogada que emprega a xunta rectora para todo tipo de servizos. Nesta asemblea votouse a man alzada que ela vai levar levar a defensa da diretiva nos pleitos do xeriátrico.

E entón lembramos este momento dunha asemblea pasada:



Aquí asistimos a unha mentira flagrante: esa avogada xa estaba cando se redactou o proxecto. Vai ser a mesma avogada que lle meteu o pufo do xeriátrico a que "rescate" o terreo, por un módico prezo, claro. A mesma avogada que cobrou 17000 euros da comunidade de montes polo pleito que discrimina aos veciños de Cariño, que non poden ter nin comunidade propia nin pertencer á da Pedra gracias a ela é á directiva que lle pagou. Ese feito é algo que os veciños das parroquias veciñas quizabes deban ter en conta cando se vaia pedir para as festas da Parroquia.

Seguiremos falando e poñendo gravacións tanto da AAVV como da Comunidade de Montes, porque entendemos que se trata de asociacións de caracter público, que tratan temas que afectan a todo o mundo e non só aos seus socios. Reciben abundantes subvencións públicas para e teñen beneficios (exención de impostos, por exemplo). Por ese motivo, entendemos que a súa xestión debe ser TRANSPARENTE e todas as súas actividades deben ser transparentes.

Por outra parte, enorgullecémonos de que por fin se fixera a rampa de acceso ao escolar vello foi feita gracias a unha recollida de firmas feita no seu día pola Plataforma pola Defensa dos Intereses da Pedra, e que foi finaciada pola Administración.

Por último, non faremos ningunha valoración dos procesos xudiciais que están en curso ata que non haxa sentencias definitivas. Pero o máis importante é que se coñeza isto, para que se saiba quen é cada quen. O blog recibiu centos de visitas e permítenos facer presión para que se faigan cousas na parroquia, que levaba anos estancada.

Seguiremos.

Feliz Nadal e Próspero Ano Novo 2011

Con este vídeo, a Xunta de Galicia utiliza o entorno da Ría de Ortigueira para facer propaganda turística:



A panorámica principal é a da parroquia da Pedra, ainda que pouco ou nada se fixera para merecer esta honra. De todos os xeitos, estamos no Nadal, así que facemos un descansiño. Tamén cambiamos o deseño, para que se poida ler mellor.

Bo Nadal e Próspero Ano Novo a todos!

A Asemblea da Pedra - 2ª parte

Como xa adiantáramos, publicamos os vídeos da gravación correspondente á asemblea de Outubro da Asociación Familiar. O que aquí se mostra foi escoitado en directo por unhas cuarenta persoas (menos do 10% da parroquia, a media de idade superior aos 70 anos), contadas a ollo pola diretiva, a maior parte delas pertencentes ao seu entorno familiar.

Comezamos xusto despois da lectura da orde do día e da acta da asemblea anterior:

Inicio da Asemblea - Acoso deliberado



Ésta é a tónica xeral da asemblea. O presidente vai de vítima e non ten outra intención que a de poñer ao autor de blog como o "malo" da parroquia. Abster-se significa "non votar" e iso sábeno perfectamente. Todo o mundo ten dereito a abster-se, é un dereito fundamental, pero eles buscan desprestixiar ao único que lles fai frente. Para eles sería moito mellor que non asistira, así poderían facer o que lles da a gana completamente.

O presidente admite que está a encubrir os delitos da anterior rectora



Neste momento da asemblea, o presidente desbarra e pregúntase porque teñen que ser eles os que laven os pratos sucios. Desde logo, non están obrigados, están ahí polos seus motivos personais.
Levan mareando o pato dous anos, cando o primeiro que deberon facer é realizar unha auditoría por unha empresa auditora independente. Se non o fan, non existen garantias de que o proceso sexa limpo, e menos sendo familiares os que realizan a "auditoría". Agora por moito que intenten facerse os honrados, o mal xa está feito.

O presidente admite ter ameazado a un membro da familia do autor deste blog



Ao presidente que vai de vítima, gústalle atacar polas costas a os que non están de acordo coas súas ideas. Sen comentarios: esperemos que non se repita outra parvada semellante.


Implicados na fraude do Xeriátrico



Hai xente que ten que dar a cara.

Asemblea da Comunidade de Montes

En próximas datas, celebrarase a asemblea da comunidade de montes, na que supostamente se aclararán moitas cousas. Como xa non nos cremos nada desta panda, temos poucas esperanzas. De todos os xeitos, asistiremos e daremos conta do que suceda. A rectora terá que dar conta da súa xestión, porque hai moitos puntos negros sen aclarar.

Conclusión

Dous anos desde que saiu esta rectora. Nada feito desde entón, excepto o de deixar pasar o tempo, a ver se a xente esquece. Pero a xente cada vez se fai máis preguntas e a maior parte xa ten as respostas.

Encubridores

No pasado mes de Outubro celebrouse a asemblea da Asociación Familiar da que demos conta na entrada anterior. A asistencia, como é habitual nestas asembleas foi escasa e composta na sua maior parte por xente con lazos familiares ou económicos coa actual rectora.

O punto de maior relevancia, como xa adiantáramos foi a votación por parte dos asistentes e a man alzada da contratación da consabida avogada para comezar un longo e penoso trámite administrativo. Nosoutros pedimos que se recurrira pola vía penal a anulación do contrato por levar a sinatura dunha "secretaria" non electa, pero a rectora non accedeu de ningún modo a realizar esa votación.

Pero desta vez, temos unha novidade: un viciño gravou a asembleia íntegra e gustosamente cedeunos esa gravación, coa que non contábamos. A calidade é máxima e distínguense perfectamente as voces de todo o mundo. Desde aquí agradecémoslle que nola cedera para amosar na web.

O primeiro vídeo, e a primeira confesión de delito é esta:

Pódese escoitar claramente como a partir do minuto 1:00 se admite que a firma do terreo foi falsificada, como é admitido por varios membros da rectora e da asemblea e como o secretario (o primeiro que fala) intenta "maquillar" descaradamente o asunto. A rectora está utilizando á xente para exonerar aos seus parentes, que tamén aparecen na gravación autoexculpándose. Aquí pódese comprobar a honradez desa xente.

A votación na que se aproban os pleitos, que tamén está gravada, é unha mostra de tendenciosidade e mala fe, dándolle a escoller á xente entre o xuízo administrativo longo (os "pasos" di o secretario) ou asinar outro contrato cos cataláns. Non deron outra opción nin permitiron que se votara en urna. Por certo, haberá que mirar de onde van sair os cartos para o pleito, con sete euros de cuota por socio ao ano.

Situación actual

Como resultado disto, a rectora condena á parroquia a quedar sen terreo, sen xeriátrico e sen cartos durante os próximos anos. A responsabilidade de que iso sexa así é única e exclusiva da actual rectora, que prefire exculpar e gastar os cartos da parroquia en defender aos seus familiares ainda que iso lle vaia causar un serio perxuízo á parroquia.

Noutros momentos da asemblea, membros da diretiva admiten tamén outras cousas, que talvez non admitirían se souberan que estaban sendo gravados. Gustaríanos coñecer que vai poñer o secretario na acta diso, porque a lectura previa da acta da asemblea anterior foi totalmente tendenciosa.

Por temas de tamaño (ocupa un DVD enteiro), non a podemos subir enteira, pero si que tentaremos ir subindo o que poidamos. Veremos se podemos empregar esta proba nun xuízo, ainda que sexa só como indicio. Pola nosa parte, cremos que é o noso deber informar do que está a suceder na parroquia co máximo rigor posible. E maior rigor que unha gravación non se pode dar.

Convocatoria de Asociación Familiar - Outubro 2010

O primeiro fin de semana de outubro, a xunta rectora, os de sempre, convocan a unha nova asemblea. Desta vez o comunicado é breve, seguramente porque saben que calquera cousa que poñan por escrito pode ir na súa contra. E como sempre, é chafalleiro. Deberíase indicar explícitame que se vai votar en cada punto, se non o fan é porque non lles interesa.

En primerio lugar, é curioso que indiquen dous artigos dos estatutos na convocatoria, cando saben que a Asociación Familiar prohíbe expresamente que os seus socios cobren por realizar traballos a favor da parroquia. Eles seguiron pagándolle en negro á xente por ir pedir, como o ano pasado, o que provocou que moita xente non lles dera nada. Por certo, lembramos que Fernandiño, o primeiro que prometeu para ser presidente fora que "non se ía pedir para as festas", cousa que evidentemente non está a cumprir.
Chama a atención que no punto 2 poñan "Información sobre as opcións legais...", é dicir anuncialo agora e prefiren dicilo de palabra e non poñer por escrito o que van gastar (a conta da parroquia, por suposto). Non poñen nada do que se vai votar, a man alzada, como vén sendo habitual cando lles convén que saia a súa opción. Nosoutros xa expuxemos no seu día que a parroquia non debe afrontar o gasto de recuperar o terreo. Máis aínda, a anterior xunta rectora debe asumir a responsabilidade de que esa compra foi asinada por unha secretaria non aprobada na asemblea, polo que é ilegal.
No punto 3, despáchanse cun "Asuntos Xerais": destacan o anuncio público da resolución do Fiscal de Ferrol de arquivar a nosa demanda para que os investigue. Deben estar moi contentos pero pouco lles vai durar a alegría, non van tardar en ter que acudir aos tribunais. Xa advertimos anteriormente que un arquivo non era unha sentencia exculpatoria (o fiscal non é un xuiz), e as seguintes van ir polo xulgado de primeira instancia. Iso sí, foi moi divertido ver como cagaban por si ao recibiren a carta do Fiscal. Non será a última que reciban.
Sobre as pistas, toda a parroquia pode comprobar que foi a única que fixeron. Tamén poden comprobar que están feitas tres entradas a fincas particulares: unha a Benigno Teijeiro (ex-secretario da antiga xunta rectora e polo tanto implicado nos pufos), outra a Fernandiño e outra máis a "Pixas", familiar seu. Esas entradas foron feitas cos fondos da parroquia, non teñen ningunha factura que xustifique esa obra.
Levan xa dous anos e o único mérito que tiveron foi facer unha pista e organizar as festas. Isto último é traballo dunha Comisión de Festas, pero Fernandiño viuse con forzas (todo poder é pouco) e púxose ao cargo tamén diso. Todo un traballador, este Fernandiño e os seus novos amigos: en dous anos ainda non teñen as contas que lles pedimos, pero teñen tempo para acaparar todos os cargos da parroquia.
Non hai que ir moi lonxe para saber como se deben facer as cousas: en Landoi levan anos e anos sen pedir para as festas, ademáis de ter avanzada a construcción dun Centro Social. Por certo, ademáis dos ingresos que xa ten a nosa parroquia, habería que engadir a parte da canteira que lle corresponde. Puidémolo comprobar personalmente na Delegación da Consellería de Industria nunha viaxe na que xa daquela nos acompañara o actual Presidente. Claro que para el é moito máis importante mandar á xente a pedir casa por casa. Ou tal vez é que agora non sabe ir só ata a Consellería.
Por suposto non falan para nada do cemiterio. Non podíamos esperar menos.
Falaremos do que suceda na asemblea neste blog, que como ven sendo por desgraza habitual, é a única fonte que proporciona información sobre a situación da parroquia da Pedra.